2015年1月13日星期二

珍珠港半天團 ~ 夏威夷 Day 3 (被賣豬仔實錄)

之前也提過嘛,海豚兒家姐在數月前已計劃好這次夏威夷之旅,他們很早已安排了在這天參加一個環島"游"。有見及此,海豚兒和Mr. Dolphin也想襯這天參觀珍珠港(Pearl Harbor)。參考了朋友仔的意見再做了些資料搜集後,我倆決定自行在網上預訂參觀珍珠港內"亞利桑那號戰艦紀念堂"(USS Arizona Memorial)門票。

首先在這兒跟大家解釋一下,珍珠港是美國有名的軍事基地,二次大戰時,就是因為日本偷襲珍珠港而造成美國參戰。今日的珍珠港已演變成一個遊客必到的景點,而這景點是免費入場,場內有紀念品店,有不同關於珍珠港的介紹,但要參觀這兒最著名的"亞利桑那號戰艦紀念堂"就要憑票坐船仔到海中才做到。要取得門票大致有三個方法:

1)  當天超級早到場去排隊取票(費用全免,需自行安排交通工具前往)

2)  預先在網上預訂門票(費用$1.50美元/位,需自行安排交通工具前往)

3)  參加已包門票的當地旅行團 (約$57美元/位*,費用已包旅遊巴接載、隨團導遊及額外兩小時之巴士觀光)

*註:  當地觀光團有好些選擇,價錢亦不一,我倆並沒有選擇最便易的,反而選了一間網上最出名的Viator,雖然較貴但因有許多好評,感覺上也放心些。

慳家兼夾穩陣的我倆首先選了方案二,可惜Mr. Dolphin上網訂票時已發現從12/26至12/28都滿了,而我倆想法也非常一致,一場去到,無奶油不去參觀這個著名的景點嘛,所以我倆便乖乖在網上付費參加當地旅行團,為的只是要每張面值$1.50美元的參觀紀念堂門票。

跟據旅行團的電郵指示,海豚兒在出發前打過兩通電話確認出發日期、集合地點、行程。來到出發日子,旅遊巴士來到酒店接客人時,海豚兒頭上已出現了一串串感嘆號,有圖有真相,就是以下這部車啦!



怎麼會以一輛開蓬雙層巴士來接我們呢?  據之前做的資料搜集,我倆大概知道從威基基前往珍珠港路程著實不近,約二十至三十分鐘車程,當這部開蓬雙層巴士在公路上行駛時,感覺尤如坐在過山車正高速地向前衝,唯一不同之處是這雙層巴士以高速向前衝了二十分鐘,當日真係吹到頭都甩,晚上清潔面部時,沒能把水變酒,卻把淸水變作坑渠水,唉!

同時,家姐一家也是參加同一間旅行社的環島遊及珍珠港半天團,他們也是乘搭"正常"的旅遊巴士。後來,我倆發現他們一家是跟隨Viator在當地的Polynesian Adventure Tours直屬旅行團,而我倆就像是副線的Gray Line,甚至乎連團章也不一樣,下圖是我倆的團章,家姐的團章是黃色底印有Polynesian Adventure Tours的,而海豚兒和Mr. Dolphin在珍珠港內也看見其他貼上黃色那種團章的遊客。



導遊太太和巴士姐姐來到最後一站接載我倆和另一個家庭時,車上已差不多坐了三十多名旅客,這時候導遊太太下車告訴我們一個她說是"剛收到"總公司來電,沒有給我們這團人拿到門票,我們可選擇繼續參加當日行程或自行至電旅行社改日子再出發。同時,她會"嘗試"帶我們前往珍珠港碰運氣,看看是否能以walk in身份拿到即日門票,結果嘛,當然是空手而回。

於是乎,我們這團人就只能在珍珠港"悶遊"兩小時然後離開。



以下就是要憑票坐船去參觀的紀念館啦,可惜我倆卻無緣踏足呢!



後感:  海豚兒覺得導遊太太是由此至終都知情,只是本著做戲做全套的精神來"耍"這個豬仔團,因為當中的解說實在超牽強,而導遊太太的行為亦實在太不似事出突然。回多倫多後,Mr. Dolphin已第一時間把他的評語提交到Viator網頁,當天是12/29,到現時為止,他的評語還未被貼上評語版上。

更新: 在Mr. Dolphin"再度"追擊下,Viator終於在1/16把我們的壞評登了出來!!!

24 則留言:

  1. 嘩, 好cheap好無恥呀, 真係想爆粗鬧人!
    呃錢事少, 浪費左人地寶貴o既旅遊時光呀..... :(

    回覆刪除
    回覆
    1. 初時最"火"係導遊太太話會delay個行程兩個鐘,"睇下"攞唔攞到飛,而當日我就係諗住完咗個團先去下兩個鐘街,再會合家姐,變相咪比佢浪費咗好似妳話齋嘅"寶貴時光",跟住老公同我講既然呢幾日預訂嘅飛都無哂,佢點都唔信導遊太太會有計攞到飛,聽佢講完,我笑咗! 因為佢估嘢通常都幾準!

      刪除
  2. 搭開蓬雙層巴士上高速,刺激喎
    咁都得?應該叫佢賠錢啦

    回覆刪除
    回覆
    1. 太刺激啦! 我都無諗過坐雙層巴士有玩海盜船嘅效果嘅! ^^"

      唉! 間嘢連我哋嘅評語都唔登出嚟,都唔駛諗會有得"回水"咯!

      刪除
  3. 下,一場去到無得睇,慘呀!
    影張相都要呀!
    我上次自己揸車去,時間 flexible 好多!

    回覆刪除
    回覆
    1. 係呀! 尤其老公係"觀光型"遊客,無得去真係幾失望!

      我哋懶嘛,好驚聖誕揸車會好塞,不過如果留喺威基基嘅時候,又真係唔駛點揸車都得嘅!

      刪除
  4. 其實一早就知無票,不過照開團照接受訂位,非常無良,仲要等兩個鐘,你哋應該去Trip Advisor同美國BBB(Best Business Bureau)炳爆佢啦,佢哋自己個網網評唔登都唔出奇。

    我當年自己揸車去,唔駛排隊唔駛買票,不過當然因為唔係聖誕節啦。去唔到都係唔甘心,不過真係錯過都唔係咁大不了。

    回覆刪除
    回覆
    1. 我都諗住要去tripadvisor留言,最初諗住等Viator回覆先決定點做,因為其實我哋係跟據佢電郵嚟嘅survey而填review,但就無諗過survey又係Viator叫人填,填完又唔登咁無品架嘛!

      不過好似妳咁講,唔去就唔甘心,不過依家就算再去夏威夷,我哋都唔會翻兜珍珠港,除非要陪人去啦!

      刪除
  5. Convertible double decker on the highway? That's scary.

    回覆刪除
    回覆
    1. 老公話嗰條唔係hwy,不過我"立"過(無錯,只可以立,因為太大風,差不多連擘大對眼伸個頭去裝嘅呢個動作都做唔到^^")附近嘅車同我哋架巴士行得差不多快,我估最少有40mph。

      刪除
  6. 好無良呀 一於投訴佢啦!

    回覆刪除
    回覆
    1. 老公比較有耐性,都仲"盼望"緊旅行社回覆,所以我都唔想"動氣"影響自己心情。:(

      我估投訴佢都唔會做D咩,但就一定會去公開網站分享呢個經歷!

      刪除
  7. 回覆
    1. 導遊太太唔係台灣人,不過我唔肯定佢係夏威夷人定係菲律賓人,嘻嘻! ^^"

      刪除
  8. 好衰呀!!!@@ 我作為讀者一名,睇唔到都有失落感,何況你地?><

    回覆刪除
    回覆
    1. 哈哈! 睇到豆丁留言,我笑咗!

      希望將來豆丁去唔會遇到呢個情況啦,最好係淡季去,租一日車去珍珠港同埋其他較遠離威基基嘅名勝,豈馬唔駛比個旅行團"搵笨"吖!

      刪除
  9. 海豚兒:
    ~你哋今次都起碼四個人去夏威夷, 真係租架車仲抵啦!! 我上次都係租車, 渣車去!!
    ~架開蓬雙層巴士, 唔比人坐下層??
    ~跟本就係無門票, 仲開團, 真係有啲被騙嘅感覺!!!

    回覆刪除
    回覆
    1. 如果得兩個人而又唔係聖誕人多車多嘅日子,可能會租車。但我哋四大兩小+car seats,家姐一家四口住嘅酒店又同我哋唔同之餘,佢哋一早訂好哂佢哋嘅團,所以都無考慮租車lu。

      下層得八個位比老人家坐哂,可惜我未夠"秤"坐樓下。XD

      係吖! 成件事本身就係一個大騙局,唯一慶幸就係架巴士無反車,我真係唔想聖誕流流上新聞頭條囉! ;P

      刪除
    2. 海豚兒:
      ~我上次都係聖誕去夏威夷, 原來聖誕節仲容易租車and 渣車, 因為當地人個個休息. 反而highway仲靜.
      ~不過, 估唔到夏威夷啲人,咁著重遊客生意嘅地區, 都會咁樣呃遊客.

      刪除
    3. 或者下次再去而又想"深度遊",都可以考慮下租車,老實講,我都仲好有興趣再去架,不過就唔會再幫襯豬仔團囉! @_@

      刪除
  10. 好搵笨呀,咁對客人都有既

    回覆刪除
    回覆
    1. 係呀! 上咗賊船都唔知,唔怪得佢嘅網上評語咁好啦,全部"精挑細選"過先登出嚟! @_@

      刪除
  11. 原來參加local tour都竟然有呢種奸商, 這次令到行程有點失色, 不過下次就可以提醒自己小心啲~~

    回覆刪除
    回覆
    1. 係啦! "奸商"真係無處不在,有時真係避免唔到,亦都因為咁,所以我都想詳盡D同大家分享我嘅經歷,希望其他人唔好中伏啦!

      刪除