2014年10月12日星期日

公司雜記 ~ Part 1

雜記一:  隔夜結婚蛋糕

北美洲有許多人喜歡跟隨一個來自古羅馬習俗,就是一對新人會在結婚派對上把結婚蛋糕的最頂層雪藏起來,在結婚一週年的時候取出來吃,寓意要互相提醒兩人要像新婚一樣,時時刻刻相親相愛和為這段婚姻帶來祝福。

早前,部門內有一位同事提及她將會慶祝結婚一週年紀念,並會把雪藏了一年的蛋糕拿出來"享受",在好奇心驅使下,我們幾個同事也嚷著要試,這個同事也不厭其煩帶了半個隔夜(應該係"隔年"先啱)蛋糕給我們享用。其實從前聽過好多人提過: 雪了一年的結婚蛋糕又硬又難食,通常都係意思意思食兩啖就掉。而這個蛋糕卻竟然意想不到地不錯喎,吃下去不會覺得"新鮮",但絕對算是濕潤,我們真的把這半個蛋糕清碟架! 可能因為這位同事的奶奶從前是經營甜品店,所以懂得如何收藏這蛋糕吧,讓我們能在一年後吃到這不錯的結婚蛋糕。亦因為這原因,海豚兒後來也去了同事訂結婚蛋糕的店子開餐,至於味道如何,就等下次再分享吧!




雜記二:   Goodbye Tummy Hello Mommy


在另一位同事臨盆在即前,同事們為她辦了一個全女班的surprise baby shower,當中有遊戲、分享、送禮物、和"食極唔完"嘅好好味食物,相內的食物其實已經是第二輪了,可想而知大家的準備有多充足!

這次聚會特別要感謝其中一位同事讓我們在她家中辦派對,還有不能多得的"攪手們"啊!




很喜歡以下這張大合照,感覺很親密、溫馨呢!



寶寶預產期還有個多星期,最緊要同事生產順利,母子平安!

18 則留言:

  1. 隔年蛋糕睇起都唔錯噃,我奶奶冰格好多時都有隔年食物架,唔知係乜啲嘢擺得愈耐愈好食呢?
    baby shower 好多嘢食,蛋糕好靚呀!

    回覆刪除
    回覆
    1. 個隔年蛋糕真係意想不到地唔錯!

      噢! 老人家真係特別多呢D情況,唔想浪費,但塞下塞下又好易唔記得,所以,得閒都要提下、幫下清雪櫃。

      Baby shower蛋糕靚之餘仲好好味添架!

      刪除
  2. 雪左一年???仲食得?咪落左好多防腐劑囉?
    估下邊個係妳先:p

    回覆刪除
    回覆
    1. 應該唔關事卦! 我情願"相信"同事奶奶處存得好囉! ^_^!

      駛咩估,妳鍾意嘅,我比個一比一實物原大妳睇吖! XD

      刪除
    2. M2,希望唔會彈我鐘啦,嘻嘻!

      刪除
  3. haha, 個part 1搞到我想雪起matthew未食完的生日蛋糕添!! 不過hk咁潮濕, 相信一定唔得囉...

    回覆刪除
    回覆
    1. 香港又真係難D,就算"真空處理"都好難搵個freezer嚟收埋件蛋糕一年,都係留返支酒易D。

      刪除
  4. 英國都有差不多習俗,不過不用放雪櫃,因為蛋糕是用 icing 做皮, 蛋糕體會浸酒落乾果。 除了週年食,BB出世都攞出來食, 最少有三層高,一定要白色。

    回覆刪除
    回覆
    1. 英國嘅做法比我哋正宗好多喎!

      呢邊好少一結婚就生BB,而呢度傳統係"先到先得",所以通常都係結婚週年食多。^^

      刪除
  5. Our one-year-old cake tastes like chalk...

    回覆刪除
    回覆
    1. This is why we're so surprised our coworker's cake still tastes not bad ;P

      刪除
  6. 估唔到外國會有將結婚蛋糕雪一年的習俗, 很特別~ 不過俾我都未必敢食~~ 另外那個party蛋糕很精美~

    回覆刪除
    回覆
    1. 其實放喺冰格存一年都唔驚會壞,不過就一定唔會好食就真!

      另外個蛋糕有鮮士多啤梨喺入面,除咗好睇仲好好食添架!

      刪除
  7. 我當年都有諗過好唔好雪個結婚蛋糕,但諗諗吓已經覺得好得人驚,所以無雪到。

    回覆刪除
    回覆
    1. 咁當時係咪食咗佢吖?

      我無擺酒,只係一家人食飯,所以只係得美點雙輝,無蛋糕。 :P

      刪除
  8. 個古羅馬習俗好有意思wor~(你地D相冇面好好笑 XDDDDDDDD)

    回覆刪除
    回覆
    1. 所以北美洲都有好多人跟呢個習俗架。

      嘻嘻! 我有諗過喺上面畫哈哈笑架,耐何畫功太差,放棄咗! ^^"

      刪除